Samaín e Magosto

Cada vez nos gusta máis o Samaín!!! Tanto nenos como maiores disfrutamos moito desta festa, e este ano por encima, xuntámolo coas castañas do Magosto así que que máis se pode pedir?

A principios de semana, os nosos compañeiros de secundaria contáronnos contos de medo na biblioteca do instituto.

Coma sempre, tanto os nenos como as familias amosastes moita maña e creatividade á hora de decorar cabazas e vasoiras. Ademáis daba gusto ver a todos os nenos con disfraces espeluznantes. Abofé que temos unha clase ben festeira e animada. Noraboa!

O mércores, rematamos a festa con conxuros para que predominen os valores, con castañas o con foliada. As pandereteiras e a regueifeira Lupe Blanco amenizaron a festa. A elas tamén se uniron  o noso profesor de música Miguel coa súa gaita e Carlos, o noso director, co bombo. A nós, tocounos aplaudir, bailar e pasalo ben.