stars

venres, 26 de maio de 2017

Ponlle as pilas ao teu bocata e algunha cousiña máis...

Estamos entrando na recta final do curso, e xa non da tempo a facer moitas cousas das que nos gustaría, como seguir publicando no blog con frecuencia.

A semana pasada, púxose en marcha no noso centro a campaña da Consellería de Educación "Ponlle as pilas ao teu bocata" para fomentar o consumo de produtos do mar en conserva. Disfrutamos moito, sobretodo da segunda parte da sesión...




Esta semana recollemos por fin os primeiros froitos do noso invernadoiro: unhas leitugas que levamos ao comedor e que xa degustamos o martes na ensalada.





Estes días tamén estivemos traballando as simetrías en matemáticas. E démonos conta de que non é tan doado como parece!



Para a semana que vén, temos varias sorpresas: estivemos practicando para sermos locutores de radio e veremos que tal quedou o noso traballo, entregaránse os premios do Concello polo concurso das Letras Galegas e recibiremos unha visita moi especial na biblioteca. Quen será?

Tamén, se fai bo tempo, por fin poderemos celebrar o Día da Familia o venres. Estamos impacientes por comezar!

domingo, 14 de maio de 2017

Excursión a Marcelle

O xoves desprazámonos ao zoo de Marcelle. A pesar do tempo, a visita non defraudou: moitos animais, unha reserva con animais en semiliberdade e monitores estupendos. Os nenos portáronse de marabilla e desfrutaron moito. Seguro que algún quere repetir.





sábado, 13 de maio de 2017

Servando da Biblioteca Asunción Antelo

Que ben o pasamos a semana pasada coa visita de Servando!
Comenzou contándonos a vida de Carlos Casares, o escritor homenaxeado este ano no Día das Letras Galegas e mesmo nos leu algún texto do autor.
Rematamos a sesión cantando e escoitando a Servando co seu acordeón, actividades que foron verdadeiras "bombas de felicidade", como diría Carlos Casares.