Esta semana estivo moi entretida. En primeiro lugar, tivemos unha sesión informativa na biblioteca, seguida por un xogo de pistas que disfrutamos moito, basta con ver as caras de emoción dos participantes!
O xoves, tocounos asistir a un contacontos no edificio de servicios múltiples. O tema era a violencia de xénero e gustounos moito poder participar.
Finalmente, este venres, estivemos aprendendo a esfollar millo e escoitando cancións e contos dunhas expertas. Tamén identificamos diferentes cereais, tocámolos, ulímolos e incluso algúns atrevéronse a probalos. Disque están moi ricos!
Este curso xa comenzou, pero no blog aínda non arrancamos...
Antes de ensinarvos cousiñas da nosa aula, propóñovos uns xogos para practicar as tablas de multiplicar xa que ás veces resulta aburrido repasalas. Espero que vos gusten e que saquedes boas puntuacións! Xa me contaredes.
Fai xa unhas semanas que nos propuxemos homenaxear a Gloria Fuertes polo seu centenario. Para iso, cada clase do colexio aprendeu unha obra da autora e grabouna. A nosa clase elixiu varias adiviñas e tamén foi a encargada de presentar o programa. Cada un tomou moi en serio o seu papel e comportouse coma un verdadeiro profesional.
Adiviñas de Gloria Fuertes
Programa completo (con todas as clases e coas presentacións feitas polos nosos nenos)
Por fin o xoves chegou a nosa invitada sorpresa, e que sorpresa!
Na biblioteca, esperábanos Sonia, a nai de Xulio e Aldán, cuxa creatividade nos asombrou a todos. Para nós, creou e editou un conto fabuloso, no que todos eramos protagonistas: Verdistanco. Viña acompañada de Isabel xa que Sonia dedicou a súa obra a Asunción Antelo.
Entre as dúas, e coa proxección das ilustracións feitas por Orelí Pello, ilustradora e amiga de Sonia, contaron as aventuras deste fermosos lugar chamado Verdistanco, ante a abraiada mirada de alumnado e profesorado.
Moitísimas gracias a Sonia, polo tempo e esforzo adicado a este proxecto. Foi toda unha sorpresa, quedou espectacular e conseguiu emocionarnos a todos!
Velaquí un cachiño da sesión. Se queredes coñecer todo o conto, haberá que ir á biblioteca xa que Sonia tivo a amabilidade de agasallarnos con exemplares do mesmo.
Estamos entrando na recta final do curso, e xa non da tempo a facer moitas cousas das que nos gustaría, como seguir publicando no blog con frecuencia.
A semana pasada, púxose en marcha no noso centro a campaña da Consellería de Educación "Ponlle as pilas ao teu bocata" para fomentar o consumo de produtos do mar en conserva. Disfrutamos moito, sobretodo da segunda parte da sesión...
Esta semana recollemos por fin os primeiros froitos do noso invernadoiro: unhas leitugas que levamos ao comedor e que xa degustamos o martes na ensalada.
Estes días tamén estivemos traballando as simetrías en matemáticas. E démonos conta de que non é tan doado como parece!
Para a semana que vén, temos varias sorpresas: estivemos practicando para sermos locutores de radio e veremos que tal quedou o noso traballo, entregaránse os premios do Concello polo concurso das Letras Galegas e recibiremos unha visita moi especial na biblioteca. Quen será?
Tamén, se fai bo tempo, por fin poderemos celebrar o Día da Familia o venres. Estamos impacientes por comezar!
O xoves desprazámonos ao zoo de Marcelle. A pesar do tempo, a visita non defraudou: moitos animais, unha reserva con animais en semiliberdade e monitores estupendos. Os nenos portáronse de marabilla e desfrutaron moito. Seguro que algún quere repetir.
