O Primo Ramón

O venres, por fin recibimos a visita do Primo Ramón, o autor de As cousas que importan, álbum ilustrado que estivemos lendo este trimestre.

Primeiro, explicounos as etapas de creación dunha obra literaria deste tipo e ao final, tivo lugar a tan esperada firma de libros. O Primo Ramón, ademáis de dedicarnos os libros, fíxonos un debuxo a cada un!

Últimamente, tamén recibimos a visita de varias mascotas, que son sempre ben recibidas na nosa aula. Gracias por traelas!

Día de Rosalía 2017

Este ano, o Entroido tamén coincidiu co Día de Rosalía que celebramos o xoves da semana pasada cun recital na biblioteca.
O alumnado de 4º, cantou "Adiós ríos, Adiós fontes" e fíxoo moi ben!

No blog da biblioteca, tamén podedes ver as actuacións dos nosos compañeiros.

Celebración do Entroido 2017

Velaquí as fotos da festa do Entroido de este ano no CPI Alcalde Xosé Pichel. Esperamos que disfrutarades moito da xornada!

Preparando o Entroido

Xa case chegou o Entroido! Na nosa clase temos moitos Mestres Ioda (seguro que gañamos en sabedoría) e dúas fermosas fadas tamén.

Mañá comenzamos cos mandadiños, así que, recordade, hai que traer algo na cabeza!

Día da Paz 2017

A semana pasada, seguimos coa celebración do Día da Paz. Fixemos entre todos un mural no que cada un deixou a súa pegada e cantamos e bailamos no patio a canción "Bajo el mismo sol". Tamén escribimos e recollemos a nosas cartas do amigo invisible. Que ilusión!

Contacontos para a Paz

A semana pasada, estivemos preparando o Día da Paz. Cada curso preparou un conto relacionado con esta temática e contoullo a compañeiros doutras clases. A nós tocounos contarlle aos nenos de primeiro e segundo "La ovejita que vino a cenar".
A continuación, podedes ver o noso ensaio xeral. Con público, saínos aínda mellor!

Exploramos os sentido

No tema de Ciencias da Natureza que estamos vendo, falamos da función de relación. Esta función, levámola a cabo grazas aos órganos dos nosos sentidos, por iso cómpre saber algo máis sobre eles. Algúns exercicios que resolvemos resultaron moi instructivos e divertidos!

Ademáis, como esta semana foi algo especial, queríavos dar as gracias a todos polas vosas atencións. É máis levadeiro cumprir anos con tales mostras de cariño!