Unha visita moi especial

O xoves pasado recibimos unha visita moi especial, xa que Antón, o pai de Anxo, veu a darnos unha charla na biblioteca.

Explicounos en que consiste o seu traballo de veterinario pero tamén contounos da estreita relación que houbo ao longo da historia entre o home e o cabalo. Para rematar, falounos do cabalo de pura raza galega, raza coa que traballa na actualidade. Xa coñecemos as súas principais características e seguro que o recoñeceríamos.

Foi moi interesante, moitas grazas Antón! Os rapaces mostráronse así de atentos e entusiastas:

Multiplicamos

Estos días, estamos a aprender a multiplicar por dúas cifras, cousa que a algúns no se lle acaba de dar moi ben, entre outras razóns, porque as táboas de multiplicar aínda non están ben memorizadas. 

Para practicar, aquí tendes uns xogos. A ver se vos gustan:

E para practicar as cuentas de multiplicar, tamén hai algún xogo, así que a practicar, e a disfrutar! Xa me contaredes que tal.

Por certo, que vos parece o novo "look" do blog?

25 de decembro: Día contra a violencia de xénero

O mércores foi o día contra a violencia de xénero que, como ben dicía Anxo: "É cando os homes se volven tolos e matan ás mulleres!". Matizamos algo esa definición, pero pareciunos a todos bastante axeitada.

Maxia vs Ciencia

O xoves, na biblioteca, asistimos á actuación de O Mago Paco co seu espectáculo Maxia vs Ciencia. Con el repasamos conceptos acerca das cores, da descomposición da luz, da astronomía, da vista e da electricidade. Foi moi interesante, sorprendente e mesmo emocionante.

Estas foron as caras que puxemos cando descubrimos que os nosos corpos son condutores:

 

E ata nos ensinou algún truquiño para impresionar na casa. Que atentos estiveron todos!

Grazas ao Concello que nos ofreciu esta actividade e grazas a A illa d@s nen@s (www.ailladosnenos.com), a compañía que se engargou deste espectáculo!

Magosto 2015

Que ben o pasamos no Magosto! Comemos castañas pero tamén disfrutamos de moitos xogos.

Ao final entregáronse os premios do concurso de cabazas e dos relatos de terror. Esta vez non houbo 

premiados na nosa clase, pero fixémolo moi ben e seguro que en próximas ocasións nos superaremos.

Tamén saen fotos nosas en La Voz de Galicia do sábado 14 de novembro, aquí.

Samaín e a nosa primeira foto de grupo

Por fin temos unha foto de grupo! E é que entre que algúns días faltaban rapaces e outros esquencíamos sacala, estaban os nenos sen retratar todos xuntos. Así que, algo descoñecidos algúns, pero están todos.

Se vos parece que a fotografía saiu pouco lucida, tendes que saber que non serviu nin o tradicional "pataca" nin o "cachelo". Cada un atendía ao seu. En próximas ocasións intentarémolo en inglés ou en francés, a ver se temos máis éxito...

Moitos nenos (e pais) se animaron a decorar cabazas. Que orgullosos posaron todos con elas! Noraboa polo voso traballo! Próximamente informaránnos de quenes foron os gañadores. Espero que lle toque a algún da clase.

• 
  

Estamos de volta!

Comenzamos algo tarde co blog, pero que mellor forma de facelo que bailando!

O martes fomos á Casa da Cultura cos nosos compañeiros de primeiro e segundo para participar nun obradoiro de danza. E que ben o pasamos! Aquí tendes unhas imaxes para comprobar o ben que algún lle da á muiñeira e á rumba.