A Maleta

Canto aprendemos sobre os nosos compañeros coa actividade "A Maleta"! 

Cada neno tiña que traer tres obxectos elexidos entre as súas pertenencias. Tres obxectos especiais para el, que o definen ou polo que sinten apego por algunha razón. Despois, tiñan que ensinarllos aos seus compañeriros, presentar eses obxectos e explicar por que os elexiron. 

A pesca, o fútbol, as manualidades, a lectura, ... houbo moitos temas recurrentes que nos demostraron que temos moitos puntos en común os uns cos outros. Vaia sorpresa!

Excursión á Escola Galega de Consumo

O mércores, por fin fixemos a nosa primeira excursión e foi a Santiago, á Escola Galega de Consumo.  Alí participamos en dous talleres moi interesantes. Despois aproveitamos que facía un día espléndido para xantar no patio do centro comercial Área Central.

Foi unha saída moi instrutiva e divertida!

Magosto 2017

Por fin chegou o Magosto e que ben o pasamos! Chega con ver as caras destes nenos para darse conta de que o deron todo (sobretodo no xogo do baile da castaña).
Ao final da mañá, tamén se entregaron os premios aos concursos do Samaín. Na nosa clase, fomos moi afortunados porque houbo tres premiados: Samuel B. pola súa cabaza, Enia pola súa vasoira, e Álvaro polo seu conto de terror. Noraboa aos tres, e máis aos demáis por participar e facelo tan ben.

Samaín 2017

Aquí vos deixo imaxes dalgunhas das actividades que levamos a cabo durante a semana de Samaín. Como nos gusta pasar medo!!!

A maiores de todo isto, tamén tivemos unha sesión de biblioteca no patio, no que poidemos ler contos de terror. Moitos decidiron compartir libros e incluso lerlle aos máis pequenos. A verdade é que foi moi entretido. Esperamos poder repetir pronto!

Traballando en grupo

A semana pasada, estivemos traballando en grupo na clase para elaborar uns posters sobre o aforro de auga e a prevención de incendios nos montes. Mirade que concentrados:

Despois, cada grupo tivo que presentarlle o seu traballo ao resto da clase. Aínda queda moito que practicar nas exposición orais, pero para unha primeira vez, non estivo nada mal!