Revista asubíos nº54

Velaquí a revista Asubíos deste curso. Nela aparecen as principais actividades deste curso no CPI Alcalde Xosé Pichel. Esperamos que vos guste.

Revista Asubios Nº 54

Publish at Calameo

Homenaxe a Gloria Fuertes

Fai xa unhas semanas que nos propuxemos homenaxear a Gloria Fuertes polo seu centenario. Para iso, cada clase do colexio aprendeu unha obra da autora e grabouna. A nosa clase elixiu varias adiviñas e tamén foi a encargada de presentar o programa. Cada un tomou moi en serio o seu papel e comportouse coma un verdadeiro profesional.

Adiviñas de Gloria Fuertes

Programa completo (con todas as clases e coas presentacións feitas polos nosos nenos)

Verdistanco

Por fin o xoves chegou a nosa invitada sorpresa, e que sorpresa!

Na biblioteca, esperábanos Sonia, a nai de Xulio e Aldán, cuxa creatividade nos asombrou a todos. Para nós, creou e editou un conto fabuloso, no que todos eramos protagonistas: Verdistanco. Viña acompañada de Isabel xa que Sonia dedicou a súa obra a Asunción Antelo.

Entre as dúas, e coa proxección das ilustracións feitas por Orelí Pello, ilustradora e amiga de Sonia, contaron as aventuras deste fermosos lugar chamado Verdistanco, ante a abraiada mirada de alumnado e profesorado.

Moitísimas gracias a Sonia, polo tempo e esforzo adicado a este proxecto. Foi toda unha sorpresa, quedou espectacular e conseguiu emocionarnos a todos!

Velaquí un cachiño da sesión. Se queredes coñecer todo o conto, haberá que ir á biblioteca xa que Sonia tivo a amabilidade de agasallarnos con exemplares do mesmo.